- No går vi for opprykk

Sandane slo Selje lett 4-1. - No går vi for opprykk, seier trenar Torbjørn Gran.

Sandane er skikkeleg i siget og innkasserte sin sjette strake siger på kunstgrasbana fredag kveld og sette dermed eit flott punktum for vårsesongen.
Måla til Sandane kom slik:
02 min: 1-0 Petja Cink
24 min: 2-0 Anders Frøyen
34 min: 3-0 Petja Cink
37 min: 4-0 Eirik Rauset
57 min: 4-1 Barboza Da Silva
Sandane spelte ein god første omgang, medan andre omgang var ordinær. Med 4-0 å gå på bytta trenar Torbjørn Gran ut tre av spelarane som ikkje blir med i haustsesongen, Anders Frøyen William Landøy og Erlend Ødven Laurhammer.

Opprykk
- No går vi for opprykk, seier trenaren etter kampen der Sandane no er på andreplass på tabellen.
Bjarte Skaaden er tilbake på Sandane som han forlet for sju år sidan for å studere og sidan arbeide i Bergen.
- Ein fin tilvekst. Bjarte spelte i midtforsvaret med ro og overblikk, konstaterer Torbjørn Gran. No skal sommarsesongen brukast godt etter litt ferie.