NAF: - Fjelltur krev vinterdekk
NAF åtvarar om snø i fjellområda i Sør-Noreg dei kommande dagane. Meteorologisk institutt har sendt ut gult farevarsel, og snøgrensa kan søkke heilt ned til 600 meter over havet.
NAF oppmodar bilistar som skal til fjells, til å skifte til vinterdekk. Sommardekk på vinterføre kan skape trafikkfarlege situasjonar. Føraren har plikt til å ha dekk som er tilpassa føreforholda.
- Vi er inne i den tida der risikoen aukar for å bli overraska av snøvêr i fjellet. Så om du dreg til hytta ofte, er det viktig å sko bilen deretter, seier Nils Sødal i NAF i ei pressemelding.
Annonse
Har du piggdekk, kan desse brukast ved fare for snø også før dei ordinære datoane for piggdekkbruk. Hugs at piggdekka må av igjen når du kjem ned i snøfrie låglandsområde. (©NPK)
