LO vil ha med SV i raudgrøn regjering
LOs forbundstoppar ønskjer at Jonas Gahr Støre skal leie ei raudgrøn regjering med Arbeidarpartiet, Senterpartiet og SV.
Samtidig vil ingen av LO-toppane som FriFagbevegelse har snakka med, støtta ønsket til Sp-leiaren om ei regjering med berre Arbeidarpartiet og Senterpartiet.
Trygve Slagsvold Vedum seier han framleis ønskjer seg ei Ap/Sp-basert regjering etter valet, men at det store fellesprosjektet er å byte ut dagens regjering.
LO-leiar Peggy Hessen Følsvik seier «marsjordren er klar».
– Åtte av ti LO-medlemmer ønskjer eit skifte, og vi har eit kongressvedtak om å jobbe for ei Ap-leidd, raudgrøn regjering, seier ho.
(©NPK)
