Jubileumsfesten blir utsett
Helse Førde vil kome tilbake med eit nytt tidspunkt for 90-årsjubileet til Nordfjord sjukehus med det første.
– Vi kunne tilpassa arrangementet, men då ville det ikkje lenger vore den festlege markeringa vi hadde planlagt, seier administrerande direktør i Helse Førde, Arve Varden, i ei pressemelding.
Markeringa ved Nordfjord sjukehus onsdag 2. september blir derfor utsett til seinare i haust. Markeringa skulle feire at det er 90 år sidan sjukehuset vart grunnlagt.
Annonse
– Vi gjer det av respekt for den nasjonale sørgeperioden og Kong Harald, men også for Nordfjord sjukehus sin sentrale posisjon i helsetilbodet i Nordfjord, seier Varden.
Programmet inneheld ei rekkje helsingar og gratulasjonar frå lokale og nasjonale bidragsytarar, historiske tilbakeblikk, framtidsperspektiv og ei kunstutstilling. Dei tilsette si markering av jubileet fann stad i juni.
Helse Førde vil gjere ei kartlegging av kva dagar som passar dei inviterte gjestene utanfrå, og kome tilbake med ein ny dato så snart som råd.
