Havvind-forslag på høyring: Store område skal lysast ut
Regjeringa foreslår eit system for tildeling av lisensar på havvind og ber no om innspel frå bransjen. Store område skal lysast ut i første kvartal neste år.
Planen til regjeringa er å lyse ut første fase av Sørlige Nordsjø II og Utsira Nord innan utgangen av første kvartal 2023.
– No presenterer vi rammene for tildeling i Utsira nord og dei første områda i Sørlege Nordsjø II. Samarbeid er ein nøkkel for å lykkast, og eg håpar vi får mange innspel i høyringa som no blir send ut. Dette vil setje standarden for havvind i Noreg, seier olje- og energiminister Terje Aasland (Ap) i ei pressemelding.
Artikkelen held fram under annonsen.
Regjeringa har ambisjonar om å tildele areal tilsvarande 30.000 MW innan 2040.
– Regjeringa ønskjer tett dialog med havvindnæringa og andre brukarar av havet når utlysingsdokumenta skal utarbeidast, og ber no om innspel til mellom anna prekvalifisering, auksjonsmodell og støtteordning, heiter det i pressemeldinga. (©NPK)
