Har pågripe mann i 50-åra
Den væpna aksjonen i Jølster er avslutta. Politiet fekk kontroll på den sikta, ein mann i 50-åra, om lag klokka 20 onsdag kveld.
Det opplyser Vest politidistrikt i ei pressemelding.
Den sikta blir ivareteken av politiet og vil bli framstilt for lege. Han er sikta for truslar mot politiet.
– Under pågripinga gjekk det av eit vådeskot frå eit av politiet sine tenestevåpen. Ingen kom til skade som følgje av skotet. Spesialeininga er rutinemessig varsla og vil starte etterforsking, heiter det i pressemeldinga.
