Håpar fleire vil bere bøsser

Det seier varaordførar i Gloppen, Jan Ove Rygg. Han er leiar for den lokale aksjonskomiteen i samband med TV-aksjonen som går av stabelen komande søndag, 18. oktober. 

Dei innsamla midlane frå den årvisse aksjonen skal denne gongen gå til NRC Flyktninghjelpen, som er den største humanitære organisasjonen i Noreg. Organisasjonen gjev naudhjelp og kjempar for rettane til menneske som er på flukt i dei verste krisene i verda.

Pengane som kjem inn søndag skal brukast til telt og andre naudbustader, mellombelse og varige heimar, juridisk hjelp, vass- og sanitærprosjekt, og bidra til at over 400 000 personar i Gaza, Syria, Afghanistan, Tsjad, Sudan og DR Kongo får tryggare og betre buforhold.

- Lokalt er det lagt opp til at bøsseberarane er i aksjon frå klokka 12 og utover dagen. SpareBank 1 Sogn og Fjordane stiller opp og gjennomfører oppteljing og innrapportering, slik at alt går rett føre seg, seier Jan Ove Rygg og minner om at ikkje alle har det like godt som vi som er så heldige å bu i Gloppen:

- Søndag har vi alle eit høve til å hjelpe dei som ikkje har ein stad å bu.