Gult farevarsel om snø onsdag
Det er onsdag venta 3–15 centimeter snø i Trøndelag, Møre og Romsdal og Vestland. Det er også pågåande gult farsvarsel om snø i delar av Nordland.
Farevarselet i nord gjeld for Helgeland, Saltfjellet og Salten der det kan komme opptil 20 centimeter snø i døgnet frå seint måndag kveld til onsdag kveld.
– Nokre stader kjem snøen ned til 200 meters høgd. Snøgrensa er venta å bli heva til 200–400 meter utover onsdag, melder yr.no
Annonse
I Trøndelag, Møre og Romsdal og Vestland er det venta noko snø onsdag, som kan leggje seg i korte periodar. Somme område vil oppleve mindre eller ingen snø. I låglandet kan nedbøren komme periodevis som sludd eller regn.
Generelt vil snøen kunne medføre lokalt vanskelege køyreforhold. Folk blir oppmoda til å berekn ekstra tid til transport og køyring, bruke rette dekk og køyre etter forholda.
Forseinkingar i flytrafikken og offentleg transport kan også førekomme.
Annonse
(©NPK)
