Gloppen hamnar på 24. plass

Gloppen hamnar på 24. plass i Kommunebarometeret frå Kommunal Rapport, medan Jølster hamnar på 228. plass i den same målinga.

Kommunal Rapport måler årleg kommunane sin framgang og tilbakegang i målinga Kommunebarometeret.

2017-utgåva er no klar, og viser at Dovre topper tabellen føre Audnedal, Tolga, Røyken, Siljan, Oppegård, Oppdal, Bærum, Asker og Mandal. Desse kommunane utgjer ti på topp-lista i årets barometer.

Gloppen er heilt i toppsjiktet innan sakshandsaming. Kommunen er også inne på topp 100-lista når det gjeld barnehage, kultur, grunnskole og vatn, avløp og renovasjon. Kommunen har den svakaste plasseringa innan økonomi (396. plass).

Gloppen hamnar på 42. plass på grunnskule, 200. plass når det gjeld pleie- og omsorg, 130. plass på barnevern, 35. plass på barnehage og er nummer 38 på kultur.

Jølster hamnar på 83. plass på grunnskule, 245. plass når det gjeld pleie- og omsorg, 35. plass på barnevern, 29. plass når det gjeld barnehage, 365. plass på kultur og er nummer 420 på økonomi.