Gjer ein innsats for trivsel og aktivitet i bygda

– Eg vart litt paff, for eg hadde slett ikkje rekna med at eg skulle få stipendet, seier Marius Rygg (20). Han har redusert eiga friidrettssatsing. I staden organiserer han aktivitet for andre.

Under idrettsbasaren til Hyen IL sist helg vart Marius Rygg tildelt Idrettsstipendet på 25.000 kroner. Stipendet vart oppretta av Olav Hjorteset for tre år sidan. Det første stipendet vart tildelt skiløparen Jon Rolf Skamo Hope, det andre til friidrettsutøvaren Magnus Rygg Storsletten.

– Eg hadde ikkje tenkt på Idrettsstipendet i det heile. Det kom veldig brått på, seier Marius. Etter kvart som grunngjevinga vart lest opp, tok han til å stusse, for det passa på han sjølv.

– Det var uventa, for eg har trappa friidrettssatsinga litt ned den siste tida, seier Marius. Han var 400 meter-løpar, men oppnådde sitt beste resultat med ein femteplass i tresteg under ungdoms-NM.

Les meir i papirutgåva fredag.