– Flinke til å inngå dårlege avtalar

– Eg vil foreslå at vi seier ja til avtalen om grunnkjøp med Anders Eide og nei til avtalen med Grete og Lars Eide. Eg tykkjer vi er i overkant flinke til å inngå dårlege avtalar, sa Arnar Kvernevik (Ap) i formannskapet måndag.


– Eg kjem med eit forslag som skapar problem for grunneigarane. Dette må kommunen ta inn over seg, sa Arnar Kvernevik, og heldt fram:

– Må slutte med dette

– I den korte perioden eg har vore med i kommunestyret og formannskapet, har eg sett at kommunen har ei rekkje avtalar som vi kan karakterisere som dårlege. Vi har avtalen om leige av lokale på Grandane. Vi har Elvaneset, samt anna smårusk. Vi må slutte å inngå dårlege avtalar. Vi må skaffe oss den kompetansen som trengs, slik at vi ikkje blir skadelidande heile tida. Eg er politikar fordi eg er interessert i å ivareta fellesskapet sine midlar, sa han.

Rådmannen rår til at politikarane godkjenner avtalen om grunnkjøp i Eidsmona med Anders Eide og Grete og Lars Eide. Kommunen skal kjøpe 14,3 dekar med Anders Eide, 16 dekar av Grete og Lars Eide. Dette vil koste vel 3,5 millionar kroner. Saka skal avgjerast i kommunestyret i dag.

Les meir i papirutgåva fredag.