Fleire blir viste bort ved grensa
I årets første veke bidrog auka trafikk og kontrollar til at 472 personar vart viste bort frå Noreg – 107 fleire enn veka før.
For å få kontroll over importsmitten, er det innført grensekontroll, og fleire grenseovergangar er stengde for innreise.
Politidirektør Benedicte Bjørnland peikar på at det blir jobba kontinuerleg med å vurdere nærværet til politiet og kvar dei skal drive kontroll.
Artikkelen held fram under annonsen.
– Politiet har ei forventning om at alle bidreg til å redusere smitte slik at vi så snart som mogleg kan opne samfunnet og leve på vanleg måte. Å avgrense importsmitten er eit viktig tiltak i dette arbeidet, seier Bjørnland i ei pressemelding,
Ein risikerer straffeforfølging dersom ein kryssar grensa på stader utanom dei lovlege grenseovergangane, med bøter frå 5.000 til 10.000 kroner. Ein person vart fredag meld for å ha passert Flermoen grenseovergang i Trysil.
(©NPK)