Får støtte til sentrumsutvikling
Fem kommunar i Sogn og Fjordane får til saman over 2,3 millionar kroner til tettstadforming og stadforming i 2017. Gloppen kommune får den største løyvinga i år.
Sogn og Fjordane fylkeskommune har eit mål om å styrke særpreg og eigenartar for tettstadar i fylket. Det vert gjort gjennom støtteordninga for tettstadutvikling og stadforming. Alle kommunane i fylket kan søkje fylkeskommunen om fagleg og økonomisk støtte til tettstadutvikling og/eller stadforming tilpassa kommunale plan- og utviklingsprosessar.
Plansjefen i fylkeskommunen har prioritert å gje tilskot til følgjande kommunar og satsingar i 2017:
Stryn kommune Stryn sentrum – Per Bolstads plass Kr. 290 000
Stryn kommune Oppstryn – Hjelle Kr. 215 000
Askvoll kommune Sentrumspark Kr. 457 880
Høyanger kommune Vadheim sentrum Kr. 378 000
Selje kommune Leikanger Kr. 250 000
Gloppen kommune Sandane sentrum Kr. 740 000
Til saman Kr. 2 330 880
Det er ein føresetnad at kommunane som får økonomisk støtte arbeider vidare med prosjekta i tett dialog med fagkompetansen i fylkeskommunen. Fylkeskommunen sine midlar skal nyttast i samsvar med retningslinene for tettstadutvikling.