Braut ut lyngbrann i Jølster

Kl. 15:18 onsdag ettermiddag blei det meldt om lyng-/grasbrann i Førde i Jølster. 

- Det bles ein del i området og brenn nedover mot elva. Er folk på staden som prøver å sløkke. Politiet er på veg, opplyste Vest politidistrikt kl. 15:24.

Klokka 15:51 blei det meldt at det ikkje var fare for spreiing til busetnad, og at brannvesenet var framme. 

11 minutt seinare blei det meldt om kontroll på situasjonen, og klokka 16:36 kunne politiet opplyse at brannen var sløkt, og at ingen var kome til skade.

Kl. 18:00 melde politiet at dei var ferdige på staden. Det blir oppretta sak.

Brannårsaka er ukjend.