Åtvarar mot kostbar tabbe
Måndag er siste frist for næringsdrivande og selskap til å levere skattemeldinga. Over 100.000 har enno ikkje levert, noko som kan koste dei dyrt.
Totalt skal over 800.000 selskap og enkeltpersonføretak levere skattemelding i år. Skattedirektør Nina Schanke Funnemark åtvarar mot ei vanleg misforståing:
– Det er mange næringsdrivande som trur at dei ikkje skal levere skattemeldinga, fordi selskapet ikkje har hatt omsetning det siste året. Det er ei misforståing, seier ho i ei pressemelding.
Annonse
Så langt har om lag 510.000 levert, og 180.000 har søkt om utsetjing. Det betyr at rundt 110.000 framleis ikkje har gjort nokon av delane.
– Du risikerer tvangsmulkt om du ikkje leverer eller søkjer om utsetjing innan fristen, understrekar Funnemark.
I fjor fekk over 30.000 næringsdrivande tvangsmulkt fordi dei ikkje leverte i tide.
Ein kan søkje om utsetjing til 30. juni, men søknadsfristen er også i dag. Rekneskapsførarar og revisorar kan søkje om 30 til dagars utsetjing på vegner av klientane sine. (©NPK)
