Heim   >   Lokalt   >   Jølster   >   Vegen ved Jølstravatnet opnar igjen

Vegen ved Jølstravatnet opnar igjen

Fylkesveg 451 på sørsida av Jølstravatnet opnar for normal trafikk fredag. Det gjekk eit stort skred over vegen 30. juli, og ein mann i 50-åra er framleis sakna.

Vegen vart delvis opna for trafikk fredag før skulestart, men det står enno att ein del arbeid før Statens vegvesen er i mål, ifølgje Bergens Tidende.

– Heile vegen måtte byggast opp frå grunnen igjen, seier avdelingsdirektør Svenn Egil Finden i vegvesenet.

150 meter av vegbana på fylkesveg 451 forsvann i Jølstravatnet i raset. Vegen kjem til å vere stengd delar av dagen denne veka.

– Dei opne periodane er tilpassa pendlarar og skulebussar, seier Finden.

Totalt vil skadane på fylkesvegane i samband med raset utgjere rundt 50 millionar kroner. (©NPK)