Thomas tok nytt gull
Glopparen Thomas Mardal sikra seg torsdag sitt andre sleggjegull i SEC-meisterskapen i USA med resultatet 74,78 meter.
– Resultatet er litt bak den personlege rekorden på 76,18 meter, men Thomas gjennomførte ein flott konkurranse. Han kasta fem meter lenger enn sølvvinnaren og var berre ein meter frå meisterskapsrekorden, opplyser Gloppen Friidrettslag i ei pressemelding.
Mardal tok gull i denne meisterskapen også i 2019, var favoritt i 2020, men den konkurransen vart naturleg nok avlyst på grunn av korona.
Artikkelen held fram under annonsen.
Han startar no oppkøyring til den nasjonale studentmeisterskapen NCAA i juni, der han jaktar sitt første sleggjegull.
