Vil ha Rygg som ordførarkandidat
Nominasjonsnemnda i Gloppen Høgre har plassert Jan Ove Rygg på toppen av listeframlegget sitt til kommunestyrevalet neste år.
På 2.-plass står ordførarkandidat i 2019, Beate Dybendal Nordvik.
Rygg og Dybendal Nordvik byter dermed plass som dei to første på lista, i høve til oppsettet ved sist val.
Artikkelen held fram under annonsen.
– Endring i rekkjefølgja har si naturlege forklaring i at Nordvik er nominert som nummer elleve på fylkestingslista, som er rekna som sikker plass. Retningslinjene i Vestland Høgre legg føring for at kandidatar til slike «sikre» plassar ikkje skal nominerast som ordførarkandidatar i eigen kommune, skriv Gloppen Høgre i ei pressemelding.
Nominasjonsnemnda vil ta fatt på arbeidet med å få på plass heile lista i siste halvdel av november. Den endelege lista skal vedtakast av nominasjonsmøtet i lokallaget i januar.
