Vassendgutane fekk det til å koke i Breim
Det starta med relativt roleg musikk og linedance i Kolbeins saloon før Hellbillies var ved å blåse ut trommehinnene på pupbikum med eit vanvittig lydnivå. Den smått utrulege kvelden vart avslutta med Vassendgutane som fekk det enorme folkehavet til å gå nesten av hengslene.
-Det er på bygda det skjer, ropte Sindre Aam frå scena før dei drog den eine publikumsfavoritten etter den andre. Vassendgutane har ei eiga evne til å piske opp stemninga og det gjorde dei til gagns på hovudscena i går kveld.
Variert meny
Dei som hadde benka seg i Kolbeins saloon tidleg på kvelden kunne kose seg med mellom andre Cindy Kvinlaug , G. Thomas og Rotlaus. På dansegolvet framfor scena var det heile tida linedance å sjå og publikum kosa seg skikkeleg i den fine sommarkvelden.
Det var rimeleg fullt framfor scena då Hillbillies spela, men då Vassendgutane dukka opp ein halvtime over midnatt såg vi berre korleis folket kom veltande frå alle kantar, og etter dei to-tre første gitarakkordane var det full fyr. At vêrgudane også synte seg frå si aller beste side, gjorde også sitt til at denne kvelden nok vil bli notert som ein av dei beste i Norsk Countrytreff si 22-årige historie.