Varslar søksmål mot åtte vindkraftverk
Organisasjonen Motvind Norge vil gå til søksmål mot åtte vindkraftprosjekt langs heile kysten.
– Regelverket blir brukt feil, mellom anna når det gjeld støy. Vi trur at om forståinga vår av lova er rett, så vil vi få domstolane med på å stoppa dei åtte planlagde kraftverka, seier generalsekretær Rune Haaland i Motvind Norge til NRK.
Dei åtte vindkraftverka er Orkla vindkraftverk på Stadlandet, Buheia i Kvinesdal, Tysvær på Haugalandet, Haramsøya på Sunnmøre, Øyfjellet i Vefsn, Nord-Odal i Innlandet, Frøya i Trøndelag og Sørmarkafjellet i Trøndelag.
Frå før har organisasjonen gått til sak mot staten om Vardafjellet vindkraftverk i Sandnes. Rettssaka starta 11. mai. Ifylgje NRK er det første gongen ei slik sak blir prøvd i rettssystemet. Går det som generalsekretæren i Motvind Norge trur, kan utfallet bli klart denne veka.
(©NPK)