Uro for framtida til vestlandsk lærarutdanning
Leiinga ved Høgskulen på Vestlandet (HVL) vil greia ut om opptil 720 studieplassar kan flyttast frå fakultetet for lærarutdanning, kultur og idrett til andre fagområde, mellom anna sjukepleiarutdanninga.
Bakgrunnen er ein markant nedgang i talet på lærarstudentar dei siste åra , skriv NRK.
Forslaget har skapt uro ved studiestadene på Stord og i Sogndal, der lærarutdanningane har lange tradisjonar. Tilsette fryktar at færre studieplassar kan svekkja utdanningstilboda og gjera det vanskelegare å rekruttera lærarar til regionane.
Annonse
Rektor Gunnar Yttri seier det ikkje er snakk om å leggja ned utdanningar eller campusar. Han seier at målet er å utvikla studietilbodet slik at høgskulen i større grad møter samfunnsbehovet.
– Vi skal ikkje avvikle, men utvikle, seier Yttri til NRK. (©NPK)
