UP varslar storkontroll neste veke
Utrykkingspolitiet varslar om storkontroll kommande veke. Bruk av mobiltelefon bak rattet og manglande bruk av bilbelte er særleg to feil dei ser etter.
UP-sjef Knut Smedsrud seier til DinSide at dei rettar søkjelyset spesielt mot desse to tinga, fordi dei ofte får fatale konsekvensar i trafikken.
– Dette er målretta kontrollar for å førebyggje ulovleg mobilbruk bak rattet og feil eller manglande bruk av bilbeltet. Dei fleste lèt mobilen liggje, eller brukar handfri medan dei køyrer, men vi ser framleis utfordringar – spesielt blant tungbilsjåførar og på motorvegar, seier Smedsrud.
Annonse
Utrykkingspolitiets første aksjonsveke i 2026 startar måndag. Blir du teken for ulovleg bruk av mobiltelefon bak rattet, kostar det deg no 10.750 kroner. For manglande bruk av bilbelte, vankar det eit gebyr på 1500 kroner.
I kvart tredje dødsfall i trafikken, blir det peika på manglande merksemd, ifølgje Statens vegvesens analysar av dødsulykker. Det resulterte i 21 trafikkdrepne i 2024. (©NPK)
