Tajik: Målet er å danne fleirtalsregjering med SV og Sp
Ap-nestleiar Hadia Tajik fortel at Ap skal snakke med alle parti som ville skifte regjering, og tek sikte på fleirtalsregjering med SV og Senterpartiet.
– Vi er takksame for at veljarane har gitt så tydeleg uttrykk for at dagens borgarlege regjering må bytast ut, og at det er solid grunnlag for å gjere det på vår side. Ap, som største parti, vil ta initiativ til samtalar med alle parti som har gått til val på å byte ut dagens regjering, med mål om å danne fleirtalsregjering med SV og Sp, seier Tajik i Politisk kvarter på måndag på NRK.
Både Ap og SV har landsstyremøte klokka 14 tysdag.
Artikkelen held fram under annonsen.
(©NPK)
