Sunnfjord kan kjøpe stol i teatersal i Oslo til 10.000 kroner
Det Norske Teatret lar nynorskkommunar få kjøpe stolar i salen. Sunnfjord har fått tilbod om ein stol til ein verdi av 10.000 kroner.
Stolen blir ei form for symbolsk gest. Det Norske Teatret får statsstøtte, men det er likevel vanskelege tider økonomisk. Så langt er det allereie fleire aktørar som har fått seg ein stol. Det skriv Firda.
– 43 stolar er selde til no. Kjøpar får ein plakett og ein billett til musikalen «Spynorsk. The Musical». Kjøparane er nynorskkommunar og mållag, seier Lone Nordløkken, som har ansvaret for stolaksjonen.
Artikkelen held fram under annonsen.
Enn så lenge har ikkje Sunnfjord kommune hatt tid til å sjå på saka. (©NPK)
