Stor gjevarglede på Nordstranda
Nordstranda skule har samla inn ikkje mindre enn 16 000 kroner til TV-aksjonen.
Publisert
Sist oppdatert
Pengane er samla inn gjennom ein Spleis som skulen har oppretta, og kafé arrangert av 1.- og 6. klasse for foreldre, besteforeldre, naboar og andre kjende.
Rektor Elisabeth Sunde Andenæs er imponert over beløpet som er kome inn.
Annonse
- Det viser eit stort engasjement og stor gjevarglede, seier ho.
Dei innsamla midlane frå den årvisse TV-aksjonen skal denne gongen gå til NRC Flyktninghjelpen, som er den største humanitære organisasjonen i Noreg.
Organisasjonen gjev naudhjelp og kjempar for rettane til menneske som er på flukt i dei verste krisene i verda.
Pengane som kjem inn søndag skal brukast til telt og andre naudbustader, mellombelse og varige heimar, juridisk hjelp, vass- og sanitærprosjekt, og bidra til at over 400 000 personar i Gaza, Syria, Afghanistan, Tsjad, Sudan og DR Kongo får tryggare og betre buforhold.
