Statnett trur straumbruken skyt i vêret
Veksten i kraftforbruket fram mot 2050 kan bli endå større enn tidlegare forventa, skriv Statnett i ein ny delrapport.
Det årlege straumforbruket i Noreg er for tida på om lag 140 terawattimar (TWh), skriv E24.
Statnett anslår at dette aukar til 178 TWh i 2030 og heilt til 220 TWh i 2050, ifølgje basisscenarioet i den nye rapporten. Det svarer til ein vekst på nesten 60 prosent frå i dag til 2050.
Artikkelen held fram under annonsen.
Forbruksveksten til 220 TWh i 2050 dekkjer overgangen til nullutslepp i Noreg og ein stor industrivekst, ifølgje Statnett.
– Forbruksveksten som kjem er ei følgje av at vi skal nå klimamåla og forpliktingane våre, eksisterande verksemder skal elektrifiserast og ny grøn industri skal etablerast. Spørsmålet no er ikkje om vi går inn i ein periode med stor vekst i straumforbruket, men om kor stor veksten blir og korleis Noreg skal vareta konkurransefortrinna sine, seier Statnett-sjef Hilde Tonne. (©NPK)
