Helse- og omsorgsminister Bent Høie deltek på pressekonferansen fredag saman med justis- og beredskapsminister Monica Mæland. Helsedirektør Bjørn Guldvog og avdelingsleiar Line Vold i Folkehelseinstituttet vil også vere til stades. Foto: Berit Roald/NTB/NPK.

Regjeringa kjem med påskeferieråd fredag

Fredag kjem regjeringa med råd om påskeferien på ein pressekonferanse.

Justis- og beredskapsminister Monica Mæland (H) og helse- og omsorgsminister Bent Høie (H) deltek på pressekonferansen.

På pressekonferansen til regjeringa tysdag bad statsminister Erna Solberg (H) nordmenn om ikkje å reise utanlands i påska. Nordmenn i utlandet vart bedne om å ikkje reise heim. Dette gjaldt òg studentar.

Solberg varsla at regjeringa vil kome med konkrete tilrådingar.

– Kor strenge dei blir, vil avhenge av smitteutviklinga den næraste tida, sa Solberg då.

(©NPK)