Regjeringa gir 50 millionar til TV-aksjonen
Også i år gir regjeringa 50 millionar til TV-aksjonen, seier statsminister Jonas Gahr Støre til NRK.
Dette er sjette året på rad at regjeringa bidreg med 50 millionar kroner til TV-aksjonen, som i år går til Atlas-alliansen.
– Eg har ein lapp på vegner av heile Noreg som regjeringa kan gi, og det er 50 millionar kroner inn på kontoen til TV-aksjonen, seier Støre.
Annonse
Pengane skal bidra til å gi funksjonshemma som lever i fattigdom og krig, eit betre og meir verdig liv.
