Raudt bykser fram på ny meiningsmåling - dobbelt så stort som SV

Partiet går fram 1,7 prosentpoeng frå mai og ein no nest størst av dei raudgrøne partia og fjerde størst totalt på målinga.

– Raudt har ein mykje breiare appell enn for 10–15 år sidan og når ut til veljarar i heile landet, seier valforskar Johannes Bergh til FriFagbevegelse.

Rådgivar Maria Rosness i Opinion seier framgangen har gått føre seg over tid.

– Partiet har truleg tent på å stå fram som det mest samarbeidsvillige og konstruktive partiet i budsjettforhandlingane på Stortinget, seier Rosness.

Ap får 19,6 prosent på målinga, ned 2,5 prosentpoeng frå mai. Det er første gong sidan Jens Stoltenbergs comeback i norsk politikk i januar 2025 at partiet blir målt under 20 prosent.

Mandatfordelinga gir klart borgarleg fleirtal, og Frp og Høgre får 88 plassar på Stortinget. Dermed kan dei danne fleirtal utan Venstre og KrFs til saman tre mandat.

Oppslutninga til alle partia (endring frå mai i parentes):

Raudt: 8,0 (+1,7), SV: 4,0 (-0,6), Ap: 19,6 (-2,5), Sp: 5,8 (+0,8), MDG: 4,7 (-0,3), KrF: 3,3 (-), Venstre: 3,1 (+0,1), Høgre: 16,8 (+1,0), Frp: 31,9 (+0,9) og andre parti: 2,7 (-1,1).

Opinions barometer for mai er basert på 1000 telefonintervju i perioden 2. juni til 8. juni 2026. Feilmarginen varierer mellom 1,4 og 3,1 prosent.

(©NPK)