På heilt feil stad i speletida
Denne røya var ute etter eit eventyr, men på feil stad.
- Ho let seg ikkje affisere av bilar eller anna støyande trafikk, seier Bjarte Øygard. Han observerte fuglen første gong onsdag i førre veke ved Jarbrugda. Fredag var røya komen til krysset mellom Kleivedammen og E39.
- Ho låg heilt roleg, medan bilane passerte på begge side, fortel Bjarte. Då han gjekk ut av bilen flytta fuglen seg eit par meter, men tok ikkje til vengene.
- Eg reknar med ho er full av hormonar og slikt sidan det no er i speletida, konkluderer Bjarte Øygard. Desverre har ho hamna på feil stad om ho var ute etter eit eventyr.