Oddmund Løkensgard Hoel (Sp) er ny forskings- og høgare utdanningsminister
Oddmund Løkensgard Hoel (Sp) er ny minister for forsking og høgare utdanning, stadfestar regjeringa.
Han tek over etter Sandra Borch (Sp), som trekte seg etter avsløringar om at ho hadde kopiert tekst frå andre i masteroppgåva si.
Med grønt slips om halsen vart han gratulert av venner og familie på Slottsplassen tysdag.
Artikkelen held fram under annonsen.
Hoel har vore statssekretær for både Ola Borten Moe (Sp) og Borch. Han vart henta til jobben frå professorjobben på Høgskulen på Vestlandet i 2021.
Han har doktorgrad i historie og har jobba med språkforsking. Opphavleg kjem han frå Trondheim.
Fakta om Oddmund Løkensgard Hoel (Sp)
* Utnevnt til forsknings- og høyere utdanningsminister 23. januar 2024
* Har vore statssekretær for Ola Borten Moe og Sandra Borch
* Professor i historie
* Kjem frå Trondheim
* 55 år gammal
* Jobba ved Høgskulen på Vestlandet før han blei statssekretær
Artikkelen held fram under annonsen.
* Har hovudfag i nordisk språk og litteratur fra Universitetet i Oslo (1996) og doktorgrad i historie frå NTNU (2009)
* Har vore forlagsredaktør i Det Norske Samlaget (1996–2000) og leiar for Noregs Mållag (1999–2002)
