Ny nestleiar i Helse Førde

Utnemnt i styret i dag.
Styret i Helse Vest oppnemnde i dag Atle Hamar (53) som ny nestleiar i styret for Helse Førde. Hamar tek over etter Agnes Landstad, som no er konstituert styreleiar i Helse Førde. Hamar er frå Vassenden i Jølster. Han har mellom anna vore politisk rådgjevar i to departement, statssekretær og distriktsarbeidssjef i Indre Sunnfjord. Sidan 2000 har Atle Hamar vore direktør i Lotteri- og stiftelsestilsynet.