Ny mobbelov i barnehagane trer i kraft ved nyttår
Frå 1. januar 2021 trer ei ny lov i kraft som forpliktar barnehagane til å ha nulltoleranse mot mobbing og tydelegare reglar for handtering.
Lovendringa inneber ei aktivitetsplikt som krev at barnehagane følgjer med på korleis barna har det, og undersøkjer og set inn tiltak når personalet har mistanke om at eitt eller fleire barn ikkje har det bra.
Det blir òg innført ei skjerpa aktivitetsplikt ved mistanke om at personalet krenkjer barn, og barnehagane blir forplikta til å ha nulltoleranse mot krenkingar som utestenging, mobbing, vald, diskriminering og trakassering.
Artikkelen held fram under annonsen.
Vidare blir det innført krav om at barnehagane skal ha internkontroll for å sikre at dei følgjer lovverk og forskrifter, inkludert rammeplanen og det nye regelverket mot mobbing, og kommunane skal sjå til at barnehagane følgjer lovendringane.
(©NPK)
