NVE: Straumprisane førre veke var dei høgaste på ti år

Vekeprisane på straum førre veke var dei høgaste på ti år. I Sør-Noreg var straumprisen 1,6 kroner per kilowattime, medan den var 1,4 kroner i Nord-Noreg.

Det skriv Noregs vassdrags- og energidirektorat.

Låge temperaturar for årstida bidrog til høgt forbruk i heile Norden førre veke.

Norsk kraftforbruk var på 3.461 GWh, opp 11 prosent frå veka før. Dei siste fem åra er det svært få veker der totalforbruket har overgått dette nivået.

Saman med høge kraftprisar på kontinentet bidrog dette til at kraftprisane i Norden auka ytterlegare frå veka før. (©NPK)