Nordmenn vil reise i Noreg i påska

Regjeringa rår frå utanlandsreiser i påska. Fly- og reiseselskapa melde om liten interesse for utanlandsferie i påska allereie før pressekonferansen fredag.

– Vi opplever at det er noregsferie som gjeld. Folk er opptekne av kvar det er greitt å reise, seier kommunikasjonsdirektør Anette Maltun Koefoed i reisebyrået Berg-Hansen til NRK.

Også flyselskapet SAS merkar at det har vore lita interesse for å reise utanlands denne påska.

– Det er nesten ikkje reisande eller ruter. Samanlikna med normalsituasjonen er lysten til å reise utanlands nærast ikkje-eksisterande, seier pressesjef i SAS, John Eckhoff, til rikskringkastaren.

Fredag klokka 13 gjorde regjeringa det klart at reiseråda for påska er å unngå unødige overnattingar og møte minst mogleg folk.

(©NPK)