Nær kvart femte lokallag i Høgre vil forlengje drivstoffkutta
61 kommunelag i Høgre har signert brev til partileiinga med krav om å forlengje avgiftskutta på drivstoff. Det svarer til nær kvart femte av lokallaga til partiet.
Det melder Nationen.
Flest signeringar kjem frå Vestland, etterfølgde av Nordland, Trøndelag og Innlandet.
Annonse
– Vi har mykje landbruk og anleggsverksemd i kommunen vår. Eit utvida kutt i drivstoffavgifta er viktig for økonomisk berekraft i desse bransjane. Marginane er mildt sagt skvisa allereie, seier gruppeleiar Arne Sandven i Kvam Høgre til avisa.
Partileiar Ine Eriksen Søreide har langt på veg avvist å støtte ei vidareføring av avgiftskutta, men har ikkje lukka døra heilt. Neste måndag er det sentralstyremøte i Høgre, og temaet er venta å komme opp då. (©NPK)
