Motorsykkelulykke i Sogndal
Klokka 08:51 tysdag melder Vest politidistrikt om ei motorsykkelulykke på Rv 13 ved Slinde, mellom Kaupanger og Sogndal.
Publisert
Sist oppdatert
- Meldt om trafikkulykke med MC, framstår som at det er kun MC med førar involvert. Førar blir ivareteken av forbipasserande. Naudetatane, inkludert luftambulanse, er på veg til staden. Uvisst skadeomfang, opplyser operasjonsleiar Tore-Andre Brakstad.
Ulykka framstår som alvorleg.
Annonse
Trafikken står i begge retningar.
Sogn Avis opplyser at det er lange køar, og at det er uklart når vegen opnar att.
Oppdatert:
Klokka 10:20 melder politiet at det blir opna for manuell dirigering på staden.
Annonse
Operasjonsleiaren opplyser til VG at tilstanden til føraren er kritisk. Han er send til Haukeland universitetssjukehus med luftambulanse.
Oppdatert:
Klokka 12:16 melder Vest politidistrikt at førar, ein mann i 20-åra, blei erklært omkomen på Haukeland universitetssjukehus. Dei pårørande er varsla. Politiet har gjort undersøkingar på staden og snakka med vitne.
