Måling viser stor skepsis til om Mette-Marit bør bli dronning

I målinga, som er gjort av InFact for Nettavisen , svarer 46,2 prosent at kronprinsessa ikkje bør bli dronning, medan 24,3 prosent svarer «veit ikkje». I alt 1013 respondentar delok i målinga, som vart teken opp 2. mars.

Analysesjef i InFact Vegard Jarness seier at det er mykje meir skepsis enn støtte til Mette-Marits framtid som dronning.

– Nærare halvparten seier nei, medan berre rundt ein tredel seier ja. Det er naturleg å sjå desse tala i samanheng med både Epstein-saka og straffesaka mot sonen, Marius Borg Høiby. Den negative vurderinga av handtering av kontroversielle saker kan ha påverka folks haldning til den framtidige rolla hennar, seier han til Nettavisen.

Slottet ønskjer ikkje kommentera tala.

– Me pleier ikkje å kommentera meiningsmålingar, uttaler pressekontakt Sara Svanemyr til Nettavisen. (©NPK)