Knivstikking i Nordfjord

Klokka 09:26 søndag morgon fekk politiet melding om knivstikking på ei privat adresse på Nordfjordeid.

– Hendinga framstår som alvorleg. Fornærma er flogen til Haukeland sjukehus for behandling og vi har kontroll på antatt gjerningsperson. Begge er menn i 20-åra. Det er ikkje noko som tyder på at fleire har vore involverte. Skadeomfang på fornærma er ikkje kjent, utover at han var bevisst då han blei henta av helse, opplyser operasjonsleiar i Vest politidistrikt, Eivind Hellesund, i ei pressemelding.

Han legg til at politiet vil arbeide vidare med å avklare omstenda utover dagen.