Kårar den sikraste russebilen

Statens vegvesen gjennomfører onsdag 19. april og torsdag 20. april dei årlege russebilkontrollane ved Nordfjordeid trafikkstasjon.

Alle russebilane som kjem til kontroll er med på konkurransen «Nordfjord sin mest trafikksikre russebil 2017». Dei som får manglar på kontrollen har då ei veke på å rette manglane og likevel delta i konkurransen, og ikkje minst få oblaten «Godkjent russebil 2017».

Sjølve kåring av vinnarar (første, andre og tredjepremie) vil skje onsdag 26. april. Også i år er det Sparebanken Sogn og Fjordane som står for premieringa på kr 3000 som 1. premie, kr 2000 som 2. premie og kr 1000 til 3. premie.

Vi håpar dette arrangementet vil være med på å gjære russetida tryggare i samband med russebilkjøring, seier Reidun Tryggestad ved Statens vegvesen.