Kaldt, men bra Halloweenvêr i Sør-Noreg

Det spøkjer ikkje for dei som har tenkt seg ut på vegane på jakt etter godteri tysdag kveld. Kulda er streng mange stader.

Ifølgje Meteorologisk institutt ser nemleg Halloweenvêret ut til å bli kjølig, men bra i Sør-Noreg.

– Det er venta litt spreidd snø på Austlandet, men ikkje store mengder. Seint i kveld eller i natt kan det hende Rogaland og Sunnhordland får sine første snøfnugg i låglandet, men heller ikkje her blir det mykje, skriv instituttet på X. (©NPK)