Jølstringar gjekk heilt til topps
Jølster Handbakklubb vann Noregscupen samanlagt i 2019. Den åttande og siste runda vart arrangert i Bergen 14. desember. Totalt har det delteke 23 klubber på åtte stemne i 2019.
Jølster har tre utøvarar som er vinnarar av si klasse i Noregscupen 2019. Desse er også NBF-beltevinnarar for året. Belte må vinnast i tre år for å vere til odel og eige.
Dei tre er:
Runar Berg, venstre og høgre hand, juniorklasse -80 kg.
Jan-Erik Sunde, venstre og høgre hand, seniorklasse -70 kg.
Ottar Berg, venstre og høgre hand, masterklasse -95 kg.
Resultat i helga
På stemnet i Bergen fekk utøvarar frå Jølster Handbakklubb desse resultata:
Linn-Mary Flugekvam tok 3. plass i høgre og 5. plass i venstre hand, open dameklasse.
Inge Henden Førde tok 2. plass i venstre og høgre hand, masterklasse -78 kg.
Victor Bergman tok 3. plass i høgre og 4. plass i venstre hand, junior -80 kg.
Tom Erik Berg tok 2. plass i venstre og 5. plass i høgre hand, senior +110 kg.