Ingen nye smittetilfelle i Stad
Torsdag vart 65 personar testa for covid-19-viruset i Stad kommune. Dette var i hovudsak personar som vart testa på grunn av symptom, og nokre få nærkontaktar til dei som fekk påvist smitte onsdag.
– Prøvesvar fredag viser at ingen nye personar har fått påvist smitte etter testinga som vart gjort torsdag 11. mars, skriv kommuneoverlege Thomas Vingen Vedeld i ei pressemelding fredag kveld.
Artikkelen held fram under annonsen.
Fredag tok Stad kommune prøve av heile 288 personar.
– Dette er i hovudsak andre test for born/elevar/tilsette i barnehageavdelinga og skuleklassane som vart sette i karantene tidleg i veka, og andre test av personar som elles har vore i karantene i sju dagar eller meir. Det er også teke første test av elevar og tilsette i klassa ved Eid ungdomsskule som vart sett i karantene i går, og prøve av personar som vert testa på grunn av symptom på sjukdom. Svar på prøvene kjem i løpet av helga, opplyser kommuneoverlegen.
