Han får Nynorsk litteraturpris 2025 

Prisen blir delt ut under opninga av landsmøtet i Noregs Mållag på Gardermoen fredag 24. april.

«Å lese årets vinnarroman er som å sjå ei ulukke utspele seg line for line på papiret. Det er ikkje mogeleg å ta augo vekk eller late dei att», skriv juryen i grunngjevinga.

Eit språk som dreg lesaren med

Juryen løftar særleg fram korleis språket i romanen driv lesaren vidare: – «Det er språket som ber deg vidare, dreg deg med inn i elendet», heiter det.

Juryen meiner òg at romanen peikar seg ut i ei tid der den nynorske romanen står sterkt: – « Alt et er eit høgdepunkt trass i at den nynorske romanen står sterkare enn på lang tid.»

Nyskapande nynorsk og uredd utforsking

I grunngjevinga blir Djønne skildra som ein forfattar med ein tydeleg språkleg identitet, som tek i bruk sider av nynorsken ein sjeldan ser i kvardagen.

«Det er knapt og det er malmfullt», skriv juryen, og peikar på at han nyttar «det tidlause og det lyriske» til å skape tolkingsrom i teksten.

Juryen framhevar også at Djønne er uredd i tematikken: «Djønne er uredd når han utforskar vondskapen og det dyriske i oss» , heiter det.

Nynorsk litteraturpris har vore delt ut sidan 1982. Bak prisen står Noregs Mållag, Det Norske Teatret og Det Norske Samlaget. Årets jury har bestått av Magne Julin Vik-Mo, Siri Løkholm Ramberg og Elisabeth Jensen Lombnæs. (©NPK)