Klokka 07:25 måndag morgon fekk politiet melding om ei trafikulykke på E39 på Ålhus, i retning Førde.
- Den eine bilen ligg på sida. Ukjent per no kor mange personar som er involverte, ei heller skadeomfang, opplyste operasjonsleiar i Vest politidistrikt, Steinar Hausvik kl. 07:34.
Annonse
Seinare har politiet meldt at vegen er stengd, at brannvesenet er framme på staden, og at førar som var i bilen som låg på sida er ute av bilen.
Klokka 07:55 melder Hausvik at totalt tre personar er involverte i ulykka: - Dei er alle oppegåande og tilsnakkande. Ambulanse er framme på staden og ser til dei involverte.
Oppdatert:
Klokka 08:15 melder politiet at ein person er frakta til sjukehus med ambulanse for nærare undersøkingar. Politiet er framme på staden.
Annonse
Oppdatert:
Klokka 08:33 melder Hausvik at dei to andre involverte også er frakta til sjukehus for nærare undersøkingar.
