Forslag om ein million til Jakob Sande-senteret
I førre statsbudsjett løyvde Kulturdepartementet ein million kroner til oppstart av eit 3-årig arbeid med å bygge eit senter for forteljarkunst tufta på Jakob Sande sitt liv og virke. No kan dei glede seg over at støtta er vidareført i statsbudsjettet for 2021.
– Vi er jublande glade for at regjeringa med kulturminister Abid Raja i spissen gir oss denne støtta, seier Liv Hege Skagestad, leiar ved Jakob Sande-senteret i ei pressemelding.
Senteret, som har hovudsete på Klokkargarden i Dale i Sunnfjord, opna 15. august 2020. Senteret skal forske på og formidle kultur og byggje opp eit fagmiljø innan forteljarkunst.
Artikkelen held fram under annonsen.
(©NPK)
