Fleire stengde fjellovergangar
Det dårlege vêret over store delar av landet fører til at ei rekkje fjellovergangar er stengde.
Ved 8.45-tida tysdag morgon gjeld dette mellom anna E134 over Haukelifjell, riksveg 7 over Hardangervidda, riksveg 13 Vikafjellet, fylkesveg 50 mellom Hol og Aurland, fylkesveg 53 mellom Tyin og Årdal og fylkesveg 51 over Valdresflye.
E6 over Saltfjellet vart stengd rett etter midnatt natt til tysdag, men vegen kunne opnast for trafikk ved 6-tida. Der ber Vegvesenet likevel bilistar vere obs på reinsdyr i og langs vegen, særleg ved Polarsirkelsenteret.
Artikkelen held fram under annonsen.
Lenger nord er mellom anna E39 mellom Skarsvåg og Nordkapp og fylkesveg 98 over Ifjordfjellet stengt på grunn av uvêr.
E6 over Saltfjellet var fram til tidleg tysdag morgon stengt på grunn av uvêr. Riksveg 14 over Vikafjellet blir førebels halde stengt til tysdag kveld. Det er innført kolonnekøyring fleire andre stader. (©NPK)
