Fleire nyttar seg av avdragsfritak på lån

Litt fleire hushald bad om å få utsetje nedbetaling av lån i andre kvartal, ifølgje Noregs Banks utlånsundersøking.

Avdragsfritak inneber å utsetje nedbetalinga av lånet og berre betale renter og kostnader. Også i første kvartal var det fleire som ønskte avdragsfritak, og bankane ventar at auken vil halde fram, ifølgje undersøkinga.

Både bedrifter og hushald held fram med å dempe låneopptaka sine, men ifølgje undersøkinga er endringane små. Litt færre søkjer også om lån til sin første bustad.

For tredje kvartal ventar bankane at låneetterspurnaden vil halde fram med å falle. (©NPK)