Fjøsgolv kollapsa - fleire titals sauer er døde

Tidleg tysdag morgon blei naudetatane varsla om at golvkonstruksjonen i ein låve i Stryn hadde kollapsa. 

- Det skal då ha vore seg kring 120 sauer i bygget. Dyra skal ha falle ned i ein møkkakjellar under låven då golvet svikta. Omfanget av hendinga er framleis uklart, og det er per no uvisst kor mange sauer som har omkome, skriv Vest politidistrikt på politiloggen klokka 05:31

Klokka 06:32 opplyser politiet at det skal ha vore kring 140 sauer i bygningen:

- Mellom 40 og 50 sauer er døde. Dei resterande dyra er sjekka av veterinær og er uskadde.

Årsaka til kollapsen er førebels ukjend.