Mange gjekk tur i Noreg i 2020, men koranasituasjonen gjorde at fleire DNT-hytter måtte halde stengt. Det gav færre medlemmer i DNT. Foto: Gorm Kallestad/NTB/NPK.

Færre medlemmer i DNT trass i at fleire går på tur

Mange gjekk tur i Noreg i 2020, men koranasituasjonen gjorde at fleire DNT-hytter måtte halde stengt. Det gav færre medlemmer i DNT.

– Mange melder seg inn fordi dei skal overnatte på hyttene eller vere med på ein tur. I fjor var det mindre av dette, seier Astrid Kalstveit, dagleg leiar i Sogn og Fjordane Turlag, til NRK.

Fylkeslaget i Sogn og Fjordane mista i fjor 282 betalande medlemmer. Noko som òg speglar den nasjonale trenden. Den Norske Turistforening (DNT) mista 1,5 prosent av alle medlemmer i 2020. Det svarar til om lag 5000 personar.

Samstundes som at Den Norske Turistforening mista medlemmer hadde turportalen deira UT.no ein trafikkvekst på 71 prosent.

(©NPK)